Po naszymu
  • Te wielgi ludzie tyż sōm gryfne!

    16.10.2019

  • Niydowno ludzie świyntowali „Dzień dużego rozmiaru”, bo pōmiyndzy nami sōm taki ciynki jak szpyndliki a tyż te wiynksze a ôkrōngłe jako jabka abo gruszki. Teroz isto już wiycie ô czym byda dzisio pisać!

    Zacznymy se to historycznie: We Baroku (kōniec XVI do XVIII w.) modne były babeczki, co dzisio by my padali, że „roztōmiłego ciałka miały zatela”. Podziwejcie sie na te wszyjski ôbrozki, co po tych sławnych muzyjach wiszōm. Eli te hrubsze baby były piykniyjsze niż te ciyniutki jako ścinka, to je ciynżko ôcynić! Jednako te malyrze mieli doś placu na tych swoich ôbrazach, to isto woleli namalować jedna hrubszo niż dwie ciynki. Wy isto wiycie, że se szpasy robia? Jedna polsko poetka napisała kejś wiersz „Córy Baroku” , ô tych tłōstych, co sōm ze przōdku ôbrazu i tych chudszych, co szpacyrujōm po zadku, po tyj niypōmalowanyj czynści. Tak to bōło we zōmkach a we tych bogatszych chałpach, a jako bōło u normalnych ludzi ze wsi?
    Tam tyż jeszcze niydowno bōła we modzie baba spaśno, czyrwiōno po gymbie, wielgo, co miała wielgi dychani, a taki spory zadek, coby na nim szło gynś posadzić! Teroz toby sie te feministki na tako godka pogorszyły, ale kejś dziołchy były rade. Bo tako, co bōła gryfno, to sie gibci wydała! Insi jeszcze godali, co baba bez brzucha, to je jako gornek bez ucha, to je tako, co niby je, ale ni ma jōm za co chycić! Jeszcze dzisio słyszy sie taki szpasy ô chudych babach: Moja staro je jak anioł, cołkiym sie niy poradza u ni doszukać ciała!
    Starziki ôd moji mamulki to bōła tako wzorcowo pora ze tamtych czasōw: starka – spaśno, wysoko blōndyna, a jeji chopeczek bōł ô kyns myńszy, chudy a czorny jak jaki cygon. Ôna sie niyrada uczyła, a ôn gimnazyjōm skōńczył, chociaż chopski syn bōł.
    Jak idzie ô synkōw a chopōw, to dycki wiyncy sie dziołchōm, a babōm widzieli te wysoki atlety! A jak jeszcze kery bōł gryfny a bogaty, to we dziołchach mōg przebiyrać! A co miała robić ta cołko reszta? Te małe, co ich nikedy skurczkami przezywali? Nojlepi jak kery mioł taki łeb, że sie gibko uczył, to potym bōł farorzym, dochtōrym abo reksenwaldym! We starczynej wsi bōł jedyn maluśki a chudziuśki chopeczek, co se wziōn wielgo a spaśno frela, a mieli piytnoście dziecek! Ôn sie dycki po wsi przekwoloł, że ôn je dobry kokot, a dobry kokot nigdy ni ma tłōsty! A wy co myślicie roztōmili, mioł tyn chop prawie?

     
  • Grymlino

  • Medhouse 2.10.2019- 224.06.2020
  • Komentarze:
  • 02.11.2019 14:26 Christof
    język śląski
    Język ( bardzo ładny !) w jakim napisany jest ten artykuł potwierdza to o czym mówię od lat : nie ma jednego języka śląskiego! Dlatego też organizowanie dyktand i konkursów poprawnego języka śląskiego to nonsens ! W każdym regionie Górnego Śląska mówiło ( i nadal mówi się) trochę inaczej. U Was mówi się ... mioł tyn chop prawie ? , a u nas w przemysłowej części Górnego Śląska ( Katowice ,Siemce, Mysłowice ,Chorzow itd ) mówi się ... mioł tyn chop recht ? . U Was mówicie ' hrubszy ' a u nas 'rubszy' , u Was mówicie ' tłosty' a u nas ' tusty' itd , itd, . Ale to bardzo ciekawe wejść na Waszą stronę, przeczytać coś w w Waszym dialekcie języka śląskiego i nauczyć się czegoś nowego. Pozdrawiam

  • Informujemy, że:

    1. Administratorem danych wskazanych w zgodzie na przetwarzanie danych osobowych wyrażonej powyżej jest Fundacja Profesjologia Aktywizacji Rynku Pracy (dalej „Wydawnictwo”) z siedzibą i adresem w Rybniku przy ul. Wyzwolenia 10, adres e-mail: redakcja@nowiny.rybnik.pl
    2. Celem zbierania danych jest umożliwienie zalogowania się do gazety internetowej oraz korzystanie z jej funkcji i przeznaczenia.
    3. Podstawą prawną przetwarzania stanowi zgoda osoby, której dane dotyczą na przetwarzanie swoich danych osobowych w jednym lub większej liczbie określonych celów. Przetwarzanie jest niezbędne do wykonania umowy, której stroną jest osoba, której dane dotyczą, lub do podjęcia działań na żądanie osoby, której dane dotyczą, przed zawarciem umowy.
    4. Pani/Pana dane osobowe nie będą przekazywane innym podmiotom.
    5. Pani/Pana dane osobowe będą przechowywane przez okres potrzebny do realizacji celu przetwarzania.
    6. Posiada Pani/Pan prawo dostępu do treści swoich danych i ich sprostowania, usunięcia, ograniczenia przetwarzania, prawo do przenoszenia danych, prawo do cofnięcia zgody w dowolnym momencie bez wpływu na zgodność z prawem przetwarzania.
    7. Pani/Pana dane będą przetwarzane w sposób zautomatyzowany w tym również w formie profilowania. Zautomatyzowane podejmowanie decyzji będzie odbywało się na zasadach najlepszego wyboru produktu lub usługi, odpowiadającego Pani/Pana preferencjom.